Die narrische Seitn

Ein Angler sitzt schon

mehrere Stunden am Ufer

der Mürz und kein

Fisch beißt an.

Da erscheint ein Mann und

fragt: „Aungln Sie?“

„Na, i wosch nua den Wurm.“

Johanna L.,

8160 Weiz, Stmk.

’s Herz geht ma af,

waun i van Hüwö

owischau af unsa Haus,

wia es se einibett en d’Lah

und uns a Hoamat gibt,

unsa Lebnswerk.

’s Herz geht ma af,

waun i umadum schau,

de Wiesn volla Bleamön,

d’ Felda tiafgrea en Soft

bis zan schwoazzn Woid zuwi,

unsa Lebnsgrundlog.

’s Herz geht ma af,

waun i den Kloan anschau,

dea ma kam bis zan Girtl affaglaungt

und do sovü Plotz einnimmt

mit san Locha und san Gfrein,

unsa Zukunft.

’s Herz geht ma af,

waun i in dei Gsicht schau,

in deine mia so laung vatrautn Augn,

de vü gseng haum, Schens und Schiachs,

und de a gschaut haum

af unsa Glick.

Elisabeth S.,

4190 Bad Leonfelden, OÖ

{LEBENSWEISHEIT}

Mei Platzerl

I hob dahoam a Platzerl,

dös hob i goar so gern;

dort sitz i, wonn i miad bin,

dort sitz i, wonn i lern!

Dös Platzerl oba wird mir

das liabste auf der Wölt,

wonn ’s Muatterl neben mir sitzt

und mir was Schön’s dazöhlt!

Leonie B.,

7563 Königsdorf, Bgld.